AQSh prezidentlari oshpazining jasadi tog‘dan topildi

Oq Uyning sobiq bosh oshpazi Uolter Sheybning jasadi 22 iyun kuni Nyu-Meksiko tog‘larida topildi. Bu haqda CNN kanala xabar berdi.

U 13 iyun kuni g‘oyib bo‘lib qolgandi. Oxirgi marta uni Taos shahri yaqinida ko‘rishgan edi.

Oshpazning jasadi o‘sha shaharga yaqin hududda joylashgan tog‘lardan topildi. Taxmin qilinishicha, 61 yoshli erkak tog‘da yolg‘izlikda sayr qilishni istagan. O‘lim sabablari aniqlanmagan.

Sheyb Oq Uy bosh oshpazi sifatida 10 yil ishlagandi. 1994 yili uni Hillari Klintonning shaxsan o‘zi ishga olgan.