"IShID" o‘z tangalarini zarb eta boshladi

"IShID" jangarilari o‘zi bosib olgan hududlarda yangi valyutani muomilaga kiritadi. The Telegraph nashrida yozilishicha, bu valyuta "Islomiy dinor" deb nomlangan va bunday bir oltin dinor 139 dollarga teng hisoblangan.

Yaqin vaqt ichida jangarilar Iroq va Suriyaning katta qismida ushbu valyutani joriy qilishi aytilgan.

Jangarilar tashkiloti shu orqali "shaytoniy dunyo iqtisodidan o‘zini himoya qilish"ni ko‘zlagan.

Qayd etilishicha, zarb etilayotgan tangalar xalifa Usmon davridagi tangalarga o‘xshash ko‘rinishda bo‘lib, tanganing bir tomonida dunyo xaritasi, ikkinchi tomonida esa 7 boshoq tasvirlangan.

Bu tanga suratlari tashkilot a'zosi bo‘lgan Abu Ibrohim Rakkavi tomonidan ijtimoiy tarmoqlarga joylashtirilgan. U Suriyaning Rakka shahridagi jangarilar guruhi a'zosi ekani ma'lum qilingan.