Ukrainada kazinolar qaytadan ochiladi

Ukrainada kazinolar faoliyatiga yana ruxsat beriladi. Bu haqda bosh vazir Arseniy Yatsenyukka tayangan holda UNIAN agentligi xabar bermoqda.
Ukrainada o‘yin biznesi 2009 yili to‘xtatilgan edi. Endilikda bu biznesni qayta jontantirish taklif qilinmoqda.

“Bugun ertalab xalq deputatlari bilan uchrashdim, ular orasida muxolifatchilar ham bor edi. Ular o‘yin biznesini soyadan chiqarish borasida qonun loyihasi ishlab chiqib, parlament muhokamasiga qo‘yishni taklif qildi”, – dedi bosh vazir.
Uning ishontirib aytishicha, sohadan olingan daromadning asosiy qismi madaniy loyihalarga sarflanadi.