15:01 / 29.06.2015
2953

Beyonce BET Awards mukofotini oldi

Yakshanba kuni Los-Anjyelesda afroamerikalik musiqachilar, aktyorlar, sportchilar va boshqa soha vakillarining qo‘lga kiritgan yutuqlari uchun topshiriladigan nufuzli BET Awards mukofoti bilan taqdirlash marosimi o‘tkazildi. Black Entertainment Television kanali tomonidan tashkil qilingan taqdirlash marosimi 15-marta o‘tkazilmoqda.
Microsoft Theatre zalida bo‘lib o‘tgan shouning asosiy yangiliklaridan biri xonanda Beyonce’ga ushbu mukofotning topshirilgani bo‘ldi.
Shuningdek, eng yaxshi yangi artis deb britaniyalik 23 yoshli xonanda Sem Smit topildi. Beyonce “Eng yaxshi ayol ritm-end-blyuz/pop ijrochisi” nominatsiyasida g‘olib bo‘ldi. Erkaklar ichida bu nominatsiyaga Kris Braun sazovor bo‘ldi.
Niki Minaj “Eng yaxshi xip-xop ijrochisi” deb topildi. Shuningdek, Kenderik Lamar, Torrens Xovard singari artistlar, Serena Uilyams, Stefen Karri singari sportchilar mukofotlandilar.

Top