Bugun jahon vaqtiga bir soniya qo‘shiladi

Bugun kun bir soniyaga uzayadi. Yer sayyorasining o‘z o‘qi atrofida aylanishi sekinlashishi munosabati bilan, 1 iyulga o‘tar kechasi butunjahon vaqtiga qo‘shimcha bir soniya qo‘shiladi. Bu haqda Xalqaro yerni aylanish xizmati ma'lum qilgan.

Bunday tuzatish amaliyoti 1972 yildan beri mavjud bo‘lib, har 3-4 yilning dekabr yoki iyun oylarida Yer o‘z o‘qi atrofida aylanishi sekinlashishi munosabati bilan qo‘shimcha bir soniya yig‘ilib qolishi tufayli odatiy tarzda amalga oshiriladi.

Vaqtni hisoblashning atom tizimidan foydalanish boshlangan 1967 yildan buyon bunday tuzatishlar hech qanday muammo keltirib chiqarmagan.

Oxirgi marta bunday tuzatish 2012 yilning iyunida amalga oshirilgandi.