Daniya Germaniya bilan chegarasini nazoratga oladi

Daniya Germaniya bilan chegarasini nazoratga oladi. Bu haqda mamlakat tashqi ishlar vaziri Kristian Jyensenning so‘zlariga iqtibos keltirgan holda Reuters agentligi xabar bermoqda.
Aytilishicha, Jyensen germaniyalik hamkasbi Frank Shtaynmayyerga Germaniya hududidan noqonuniy mehnat muhojirlari va kontrabanda mollari ko‘p o‘tayotganini ma'lum qilib, shu asosda chegaradagi nazoratni kuchaytirishni taklif qilgan.

Jyensenning so‘zlariga qaraganda, cheklov chora-tadbirlari Shengen zonasi davlatlari bilan o‘rnatilgan standartlarga mos bo‘ladi.

2011 yili Kopengagen Germaniya bilan chegarada bir necha oylik nazorat o‘rnatgan edi. Daniyalik chegarachilar mamlakat hududiga kiradigan mashinalarni tekshirish huquqiga ega bo‘lgan edi. Bu holat Bryusselning noroziligiga sabab bo‘lgan edi.