Casio "aqlli soatlar" ishlab chiqaradi

Yaponiyaning soat ishlab chiqarish bilan shug‘ullanuvchi Casio nomli kompaniyasi 2016 yilning martidan smart-soatlar ishlab chiqara boshlaydi. Bu haqda The Wall Street Journal xabar bermoqda.

Kompaniya prezidenti Kazuo Kashioning ma'lum qilishicha ushbu yangi qurilma avvalgilaridan kattaroq bo‘ladi hamda qo‘shimcha imkoniyatlar bilan ta'minlanadi. Bunday soatlar asosan erkaklar uchun mo‘ljallanishi aytilgan.

Smart-soatlarning narxi 400 dollar atrofida bo‘ladi.

Ma'lumot uchun, hozirgi vaqtgacha Apple, Samsung, Sony, Huawei, Asus kabi kompaniyalar ham o‘z "aqlli soatlari"ni ishlab chiqarish bilan shug‘ullanmoqda.