Aleksis Sanches mavsum startini o‘tkazib yuboradi

"Arsenal" klubining chililik futbolchisi Aleksis Sanches Angliya Premer-ligasida mavsum boshini o‘tkazib yuboradigan bo‘ldi.

Londonliklar rahbariyati Kopa Amerika musobaqasida terma jamoasi bilan bosh sovrinni qo‘lga kiritgan futbolchiga uch haftalik ta'til berishga qaror qilgan.

Shu tariqa Sanches mavsumning dastlabki o‘yinlarida maydonga tushmaydi.

Eslatib o‘tamiz, Angliyada yangi mavsum avgust oyining sakkizinchi kunida boshlanadi va "kanonirlar" ilk turda "Vest Xem"ni qabul qiladi.

Ma'lumot uchun, Sanches o‘tgan mavsumda "Arsenal" safida 35 o‘yinda maydonga tushib, 16ta gol urgan.