Hindiston bosh vaziri Qozog‘istonga tashrifini boshladi

Hindiston bosh vaziri Narendra Modi rasmiy tashrif bilan Qozog‘iston poytaxti Astana shahriga yetib bordi. Bu haqda uning rasmiy tvitterida xabar qilinadi.

Astana shahridagi aeroportda Modini Qozog‘iston bosh vaziri Karim Masimov, energetika ishlari vaziri Vladimir Shkolnik hamda Tashqi ishlar vaziri o‘rinbosari Asqar Musinov kutib oldi.

Narendra Modi Qozog‘istonga safari davomida prezident Nursulton Nazarboyev bilan uchrashib, Astanada o‘tkaziladigan biznes-forumda ishtirok etishi rejalashtirilgan.
Shuningdek, u Nazarboyev nomidagi universitetda ma'ruza o‘qishi kutilmoqda.