“Monako” Al-Shaaraviyning transferini tasdiqladi

“Milan” hujumchisi Stefan Al-Shaaraviy o‘z faoliyatini “Monako”da davom ettiradigan bo‘ldi.

Monegasklar Italiya terma jamoasining 22 yoshli hujumchisini sotib olish huquqi bilan bir yilga ijaraga olinganini tasdiqlashdi.

“Milan”, o‘z navbatida, “Monako” o‘yinchini keyingi yozda sotib olish huquqiga ega bo‘lmay, balki sotib olish majburiyatini olganini aniqlashtirib o‘tdi.

Al-Shaaraviy yangi klubida 22 raqami ostida to‘p suradi.

Avvalroq “Monako” Al-Shaaraviyning bir yillik ijarasiga 3 mln yevro to‘lashi, mavsum yakunlangach, futbolchining nechta o‘yin o‘tkazganidan qat'iy nazar 13 mln yevroga sotib olishi kerakligi ma'lum qilingan edi.

Al-Shaaraviy “Milan”da to‘rt mavsum davomida to‘p surgan.