Jon Kerri Ukrainada falokatga uchragan Boeing samolyoti ayirmachilar nazorat qiladigan hududdan urib tushirilganini aytdi

AQSh Davlat kotibi Jon Kerri AQShning rasmiy pozitsiyasiga ko‘ra, Ukrainada falokatga uchragan Malayziya havo yo‘llariga qarashli samolyot Donbass ayirmachilari nazoratida bo‘lgan hududdan urib tushirilganini aytdi. Bu haqda RIA “Novosti” axborot agentligi xabar bermoqda.

“Biz MN-17 samolyoti ayirmachilar nazoratida bo‘lgan hududdan “yer-havo” raketasi bilan urib tushirilgan deb hisoblaymiz”, deb aytdi Kerri.

Avvalroq AQShning Moskvadagi elchisi Jon Tefft AQShga samolyotning qulashi aybdori ma'lum ekanligini aytib o‘tgan edi.