Huawei 2015 yili bozorga 100 mln smartfon chiqaradi

Xitoyning smartfonlar ishlab chiqaruvchi Huawei kompaniyasi yil oxiriga qadar bozorga chiqarilgan smartfonlari sonini 100 mln donaga yetkazadi. Bu haqda Reuters agentligi xabar bermoqda.
Ommaviy ist'yemol elektronikasi bo‘linmasi boshlig‘i Richard Yuning ma'lumotlariga qaraganda, may oyidan boshlab kompaniya oyiga 10 mln donadan smartfon yetkazib bermoqda.
2014 yili Huawei yillik smartfon yetkazmalarini 80 mln donaga yetkazish borasidagi maqsadiga erisha olmadi. Bu ko‘rsatkich 75 mln darajasida qolib ketdi. Ammo kompaniya 2015 yilning birinchi yarmiga qadar tushumning 30 foizga oshganini ma'lum qilmoqda.