Sirdaryo viloyatining Yangiyer shahrida yashovchi Qurbonovlar oilasida fojia sodir bo‘ldi. Bu haqda “Postda” nashri yozmoqda.
Aytilishicha, Botir ismli yigit chet elga ishlashga ketib, 10 yilda qaytib keldi, ammo u yerdan pul topib kela olmadi. U Yangiyerda ham biror ish topa olmadi. Natijada goh otasi Yo‘lchiboy aka, goh o‘gay onasi Shoista opadan pul olib, ichib yuraverdi.
Bir kuni u mast holda uyga kelib, xasta bo‘lib yotgan otasidan pul talab qila boshladi. Otasi puli yo‘qligini aytdi, shundan so‘ng o‘g‘lining bu yurishiga o‘z noroziligini bildirdi. Natijada ota va o‘g‘ilning gapi qochib qoldi. Botir Yo‘lchivoy akani bo‘g‘a boshladi.
Janjalni eshitgan Shoista opa xonaga kirib, Botirni to‘xtatdi. Lekin Yo‘lchivoy akaning joni uzilib bo‘lgan edi.