Iyul oyining birinchi yarmida PTs400 D-20 rusumli sementning birjadagi o‘rtacha narxi 1 tonnasiga 258.2 ming so‘mni tashkil qildi. Bu 2015 yilning mart oyida qayd qilingan eng yuqori baholaridan 16 foizga kamroqdir.
O‘zbekiston tovar va xom ashyo birjasi ma'lumotlariga qaraganda, o‘tgan yilning shu davriga nisbatan mahsulot kotirovkasi o‘rtacha 31 foizga tushgan. 2014 yilning 6.5 oyi davomida barcha sement turlarining o‘rtacha narxi 414 so‘mni tashkil qilgan bo‘lsa, joriy yilda bu ko‘rsatkich 274 so‘mdan oshmadi.
