Vengriyadagi poygadan keyin “Formula-1”da besh nafar pilotga jarima solindi. “Lotus” poygachisi Romen Grojan jamoasi pit-stopni xavfsizlikka amal qilmay olgani sababli 2 ochkodan mahrum bo‘ldi. O‘sha holatda Grojanning Felipe Massa bilan to‘qnashib ketishiga oz qoldi.
Uning jamoadoshi Pastor Maldonado Serxio Peres bilan to‘qnashuv tufayli 2 ball bilan xayrlashdi. “Toro Rosso” poygachisi Maks Ferstappen xavfsizlikka rioya qilmay, mashina ortidan tezlikni oshirgani uchun 3 ball bilan jazolandi.
Faoliyatida ilk marta jarima ochkolariga Lyuis Xemilton (“Mersedes”) va Daniil Kvyat (“Red Bull”) duch keldi. Amaldagi chempion Daniel Rikkardo bilan to‘qnashgani uchun aybdor deb topildi. Rossiyalik poygachi esa Xemiltonni trassa tashqarisidan quvib o‘tgani uchun 2 balldan mahrum etildi.
Ma'lumot uchun, bir mavsumda poygachi 12 jarima ochkosi yiqqan taqdirda poygalardan chetlashtiriladi.