Bir guruh erkaklar Avstraliyaning janubiy sohillariga baliq ovlagani okeanda ketayotganlarida yo‘lda ularning qayiqlari yonidan suzib o‘tayotgan delfinlar to‘dasiga duch kelishdi. Delfinlardan biri qayiqqa juda yaqin kelib, delfinlarni telefoniga videoga olayotgan erkakka e'tiborini qaratdi.
Delfinni suratga olayotgan erkak “Qaranglar, qanday ajoyib!” deyishi bilanoq delfin to‘satdan suvdan sakrab, uning telefonini tishlab, tortib olishga urindi, deb xabar bermoqda The Daily Mail nashri.
Delfin telefonni ololmagach, uzoqlashib ketdi, biroq birozdan keyin yana suzib keldi. Baliqchilar sut emizuvchi jonzot gadjyetni yanglish tarzda ozuqa deb o‘ylab, uni olishga harakat qilgan, degan taxmin bildirishmoqda.