«Monreal» Drogba bilan shartnoma imzoladi

Kanadaning «Monreal» klubi hujumchi Dide Drogba bilan shartnoma imzoladi.

“Monreal Impakt” rasmiy sayti 37 yoshli ivuarlik futbolchini “Chikago Fayr”dan sotib olganini, aniqrog‘i Drogbaning avval Chikago shahri klubi bilan shartnoma imzolagani, biroq jamoaning uni Kanada klubiga pullaganini tasdiqladi.

Transfer shartnomasi 100 ming dollar evaziga tuzilgani aytilgan.

Didening yangi jamoada qancha maosh olishi hozircha noma'lum, ammo avval uning yiliga 3 million yevro olishi haqida xabarlar tarqalgandi.

Drogba futbolchilik faoliyati davomida “Le-Man”, “Gengam”, “Marsel”, “Chelsi”, “Shanxay Shenxua” va “Galatasaroy” klublarida harakat qilgan.

O‘tgan mavsumda Drogba "Chelsi" tarkibida 28ta o‘yinda maydonga tushib, 4ta gol urgan.