Malayziya va Singapur Olimpiada-2028ga da'vogar

Malayziya va Singaupr davlatlari 2028 yoki 2032 yillarda o‘tkaziladigan yozgi Olimpiada o‘yinlarini birgalikda o‘tkazish uchun ariza topshirishlari mumkin. Malayziya olimpiya kengashi rahbari Tunku Imranning ma'lum qilishicha, bu masala Singapurlik hamkasblar bilan muhokama qilingan.
“Men Singapur Milliy olimpiya qo‘mitasi hamda parlament a'zolarining bir necha nafari bilan ushbu masala yuzasidan muloqot olib bordim. Ayni damda 2024 yilgi Olimpiada o‘yinlari mezbonligi uchun ariza topshirishga biroz kech va shu bois ham biz 2028 yoxud 2032 yillardagi Olimpiada o‘yinlari mezbonligi uchun da'vogarlik qilishimiz mumkin, - deydi Tunku Imran.

O‘z navbatida Xalqaro olimpiya qo‘mitasi prezidenti Tomas Bax ham Olimpiada o‘yinlari qachonlardir Janubiy-Sharqiy Osiyoda o‘tishiga ishonch bildirdi.

Olamsport.com / Shavkat Jalilov tayyorladi