15:12 / 31.07.2015
3379

Uzinfocom markaziga direktor tayinlandi

31 iyul kuni O‘zbekiston Respublikasi Axborot texnologiyalari va kommunikatsiyalarini rivojlantirish vazirining birinchi o‘rinbosari Fayzullayev Alisher Nasibullayevich boshchiligida Uzinfocom Kompyuter va axborot texnologiyalarini rivojlantirish va joriy etish markazida yig‘ilish o‘tkazildi.

Bu yig‘ilishda vazir o‘rinbosari vazirlikning 2015 yil 30 iyuldagi buyrug‘i bilan G‘ayratxo‘ja Saydaliyev Uzinfocom Kompyuter va axborot texnologiyalarini rivojlantirish va joriy etish markazi direktori etib tayinlangani haqida ma'lum qildi.

Ma'lumot uchun, G‘ayratxo‘ja Saydaliyev 1982 yil Toshkent shahrida tug‘ilgan. U 2002 yilda Nizomiy nomidagi Toshkent davlat pedagogika universitetini tamomlagan. Saydaliyev Uzinfocom markazidagi faoliyatini 2011 yilda Kompyuterlashtirish markazlariga ko‘maklashish guruhi boshlig‘i lavozimida ishlash orqali boshlagan. Biroz o‘tib Uzinfocom markazi direktori o‘rinbosariga aylangan.

2014 yilning yanvarida G‘ayratxo‘ja Saydaliyev o‘z karerasini Uzinfocom markazi direktorining birinchi o‘rinbosari lavozimi bilan davom ettirgan, 2015 yilning 9 martida Uzinfocom markazi direktori vazifasini vaqtinchalik bajaruvchi etib tayinlangan edi.

Top