Toshkentda yangi tramvay liniyasi quriladi

“O‘zavtoyo‘l” kompaniyasi vakillari Toshkentni Ohangoron trassasi bilan bog‘lovchi shossedagi “Rohat” aylanasi o‘rniga yangi transport bo‘g‘inini yaratishni rejalashtirmoqda.

Kompaniya rahbarining aytishicha, 2016 yilning oxirigacha amalga oshiriladigan bu loyiha ushbu hududdagi avtomobillar oqimi tirbandligini kamaytirishga imkon beradi.

Qayd etish joizki, yo‘lning bu qismidan yangi tramvay liniyasi ochish rejalashtirilgan. “Toshshahartransxizmat” AK boshqaruv raisi Otabek Sodiqovning aytishicha, Taraqqiyot ko‘chasidan Ohangaron shossesigacha 3 km lik yangi tramvay liniyasi ishga tushiriladi. Bu tramvay liniyasi “Aviasozlar” - “Rohat” yo‘nalishi bo‘yicha 5 km lik liniya bilan tutashtiriladi.