ASUS kompaniyasi ZenFone Max smartfoni haqida axborot berdi. Ushbu qurilmaning quvvati uzoq muddatga yetishi ta'kidlanmoqda.
Apparat Android 5.0 (Lollipop) operatsion tizimida ishlaydi, shuningdek, Zen UI 2.0. interfeysiga ega.
Unda Snapdragon 410 chipidan foydalanilgan. Uning tarkibiga 1,2 GGts chastotali to‘rtta ARM Cortex A53 yadro va Adreno 306 grafik nazoratchisi kiradi. Protsessor 2 Gbayt operativ xotira bilan uyg‘unlikda ishlaydi. Flesh-modul sig‘imi — 8 yoki 16 Gbayt (microSD kartasi hisobiga kengaytiriladi).
Smartfon 720r formatli 5,5 dyuymli sensor displey bilan ta'minlangan: yechimi – 1280×720 nuqta. Ekran zararlanishdan Corning Gorilla Glass 4 mustahkam oynasi bilan himoyalangan.
Yangi apparatning ta'minotiga lazerli avtofokusga hamda Real Tone Flash fleshiga ega 13 megapikselli asosiy kamera, 5 megapikselli va keng optikali frontal kamera, Wi-Fi 802.11b/g/n i Bluetooth 4.0 simsiz aloqa adapterlari, GPS navigatsion tizimi qabul qilgichi va datchiklar to‘plami kiradi.
Apparatning asosiy o‘ziga xosligi 5 ming mA/soat quvvatga ega batareyadir. Smartfon, shuningdek, boshqa jihozlarni quvvatlantirish uchun zaxira manba sifatida qo‘llanilishi mumkin.
ZenFone Max modeli 4G LTE va 3G HSPA+ mobil tarmoqlarida ishlay oladi; ikkita SIM-karta o‘rnatish imkoniyati bor.
Mahsulot shu yilning oktabridan sotuvga chiqariladi. Modelning narxi haqida ma'lumot berilmadi.