Benites: Ronalduning ahvoli keyingi haftagacha yaxshilanadi

"Real" jamoasi bosh murabbiyi Rafael Benites jamoaning asosiy futbolchisi Krishtianu Ronalduning mavsumoldi yig‘inlari vaqtida kichik jarohat olgani haqida ma'lum qildi.

Uning aytishicha, Ronaldu shu jarohati tufayli Norvegiyaning "Volerengoy" jamoasi bilan o‘tkaziladigan o‘rtoqlik uchrashuviga bormagan.

"Shu kunlarda Krishtianuning sog‘lig‘i bilan bog‘liq muammo paydo bo‘ldi. U hozirda tibbiyot xodimlari nazoratida bo‘lib turibdi. Kelasi haftada Ronalduning sog‘lig‘i yaxshilanishini kutamiz.

O‘ylashimcha, 23 avgust kuni 1-turdan o‘rin olgan “Sporting”ga qarshi o‘yinda u maydonga tusha oladi.

Mavsumoldi tayyorgarlik jarayonida faqat ikki nafar futbolchimiz jarohatlandi. Qolganlarning ahvoli yaxshi. Futbolchilarning jismoniy holatiga javob beradigan mutaxassislar yaxshi ishlashyapti”, - deydi Benites Goal.com nashriga bergan intervyusida.