Moskvada 2017 yilgacha barcha eski 5 qavatli turar-joy binolari buziladi

Moskva hukumati eski 5 qavatli turar-joy binolarini buzish dasturini 2017 yilga qadar yakunlashni rejalashtirmoqda, deb xabar bermoqda “Interfaks” axborot agentligi. Bu haqda Moskva merining shaharsozlik siyosati va qurilish masalalari bo‘yicha o‘rinbosari Marat Xusnullin qurilish majmuasining hay'at yig‘ilishida ma'lum qildi.

Xusnullinning aytishicha, 5 qavatli binolarning asosiy qismi 2015-2016 yillar mobaynida buziladi. 2017 yilda eng murakkab hududdagi qolgan 20 ga yaqin uy yerni bo‘shatish maqsadida buziladi.

Avvalroq Xusnullin eski 5 qavatli turar-joy binolarini buzish bo‘yicha dastur 90 foizga bajarilganini ma'lum qilgan edi.