"Milan" "Roma"dan Romanolini 30 mln yevro evaziga xarid qiladi

"Roma"ning 20 yoshli markaziy himoyachisi Alessio Romanoli "Milan"ga o‘tish arafasida turibdi.

Ma'lum qilinishicha, "Milan" bu futbolchining transferi uchun 25 mln yevro va qo‘shimcha bonuslar sifatida 5 mln yevro, jami 30 mln sarflashi mumkin.

Bonusning miqdori futbolchi "Milan" bilan YeChLda ko‘rsatadigan natijasiga bog‘liq bo‘lishi aytilgan.

Sky Sport Italia nashrida yozilishicha, futbolchi "Milan" bilan shaxsiy shartnoma bo‘yicha kelishib olgan.

Shuningdek, "Milan" vitse prezidenti Adriano Galliani "Roma" himoyachisi Alessio Romanollini sotib olishga yaqin turganlarini ma'lum qildi.
"Hammasi 99,8 foizga aniq bo‘lib ulgurgan", - deydi Galliani.