Seul Pxenyanni ikki harbiy xizmatchining o‘limida aybladi

4 avgust kuni 2 nafar harbiy xizmatchi minada portlab ketgan edi. Aniqlanishicha, bu minalar Shimoliy Koreyada ishlab chiqarilgan. Bu haqda 10 avgust kuni Koreya Respublikasi milliy mudofaa vazirligi bayonot tarqatdi.

Janubiy Koreya qurolli kuchlari brigada generali An Yon Xoning so‘zlariga qaraganda, taxta korpus ichidagi piyodalarga qarshi mina qo‘shni davlatda ishlab chiqariladi. Bu fikrni voqea joyidan topilgan portlagich va trinitrotoluol qoldiqlari ham tasdiqlaydi.

Tergov xulosasida aytilishicha, “dushman Janubiy Koreya qurolli kuchlariga zarar yetkazish uchun qasddan ushbu minani o‘rnatgan”.

Taxminlarga ko‘ra, provokatsiya bir haftadan so‘ng bo‘lib o‘tadigan Ulchi Freedom Guardian Janubiy Koreya-AQSh harbiy mashg‘ulotlarini to‘xtatib qo‘yish uchun uyushtirilgan. Ushbu mashg‘ulotlar davomida ikki davlat qo‘shinlari Xitoyning bostirib kirish taqdirida amalga oshiriladigan xatti-harakatlarni mashq qilishi rejalashtirilgan.