Beeline kun.uz saytiga bepul kirish imkonini beruvchi Informer xizmatini ishga tushirdi

O‘zbekiston aloqa operatori Beeline amaldagi Informer xizmatiga kirgan saytlar ro‘yxati kengaygani haqida xabar berdi. Endi mazkur xizmat doirasida www.kun.uz sayti va uning m.kun.uz mobil versiyasidan bepul foydalanish imkoni paydo bo‘ldi.

Voqeani sharhlar ekan, Unitel‘ning matbuot-kotibi Elvira Settarova shunday dedi: “Informer xizmati yordamida o‘qish va biznes uchun kerak bo‘lgan barcha resurslarga Beeline abonentlari ega bo‘ladilar. Shuning uchun biz Informer xizmatiga eng ommabop saytlarni qo‘shgan holda uni doimiy ravishda yangilab boramiz”.

Bugungi kunda xizmat yordamida quyidagi sayt va qidiruv tizimlaridan foydalanish mumkin: www.kun.uz, m.kun.uz, www.uzdaily.uz, pgd.uz, google.uz, translate.google.co.uz, pochta mail.ru, wapedia.org, m.gazeta.uz.

Informer xizmatini *110*80# USSD-kodi orqali bepul yoqtirish mumkin.