Gabriel Garsia Markesning hoki vataniga qaytariladi

Lotin amerikalik yozuvchi, Nobel mukofoti laureati Gabriel Garsia Markesning krematsiya qilingan hoki Meksikadan vatani Kolumbiyaga qaytariladi, deb xabar bermoqda Associated Press axborot agentligi. 

Yozuvchining hoki solingan idish Kolumbiyaning Bolivar shtati hukumati va Markesning qarindoshlari o‘rtasidagi kelishuvga ko‘ra Kartaxena shahri tarixiy markazidagi ibodatxonada o‘rnatiladi.  

Kartaxena shahri bilan yozuvchini ko‘p xotiralar bog‘laydi. Ushbu shahar yozuvchining eng ommabop romanlaridan biri – “Vabo paytidagi sevgi” asaridagi voqea joyi hisoblanadi. Markesning oilasi hanuzgacha bu shaharning sohilbo‘yida joylashgan uyga egalik qiladi.  

Gabriel Garsia Markes 2014 yilning 17 aprelida 87 yoshida Mexikoda vafot etdi. Yozuvchi bu shaharda 30 yillik umrini yashagan. Yozuvchining dafn marosimi Meksika hukumati tomonidan tashkillashtirilgan edi.

Yozuvchi 1960-yillardagi Lotin Amerikasi “adabiyot fenomeni”ning muhim shaxslaridan biri hisoblanadi. Uning ijodiga mansub “Tanholikning yuz yili” va "Buzrukning kuzi" adibning eng mashhur romanlari hisoblanadi.