Yaqindagina Polsha prezidentligi lavozimiga o‘tirgan Anjyey Duda NATOni alyansda o‘z davlatiga Rossiya va Germaniya o‘rtasidagi “oraliq hudud” sifatida qaralishi sabab tanqid qildi. Polyak yetakchisining fikrlari Britaniyaning payshanba kuni chop etilgan "Financial Times" nashrida chop etilgan.
Duda NATOdan yanada aniqroq xavfsizlik kafolati va mamlakat hududida alyans harbiylari sonining oshirilishini so‘ragan.
“Biz “oraliq hudud” bo‘lishni istamaymiz. Biz NATOning haqiqiy sharqiy qanoti bo‘lishni xohlaymiz. Biroq bugun harbiy bazalar joylashuvi aks ettirilgan xaritaga nazar tashlasak, chegara Germaniya bo‘ylab o‘tgani oydinlashadi”, deydi polyak yetakchisi.
Uning fikricha, agarda Polsha va boshqa markaziy Yevropa mamlakatlari “NATOning haqiqiy qanotlari bo‘lsa”, harbiy bazalarning ushbu davlatlarda ham joylashtirilishi “tabiiy va mantiqiy” hodisa bo‘lar edi.
Germaniya va NATOning boshqa a'zolari Varshava hamda Sharqiy Yevropa davlatlarining ular hududida alyansning doimiy harbiy tuzilmalari mavjud bo‘lishi kerakligi haqidagi murojaatini inkor etib kelishmoqda. Javob tariqasida esa birgalikda yangi harbiy mashg‘ulotlarni o‘tkazish va barcha hududlarda harbiy kontingent almashinuvini amalga oshirishni taklif qilmoqda.