Dunyodagi eng kuchli sedan yanada kuchaytirildi

AQShning Hennessey Performance tyuning-atelesi dunyodagi eng kuchli sedan – 717 ot kuchiga ega Dodge Charger’ga mo‘ljallangan ikkita ishlanmalar paketini tayyorladi. Ulardan biri 6.2 l li kompressorli V8 motori quvvatini 805 ot kuchiga, ikkinchisi esa 852 ot kuchiga yetkazadi.
Birinchi paket HPE800 deb nomlanadi. U kuch agregati boshqarishning yangi blokini, havo filtrini va kolenval shkivini o‘z ichiga oladi.
HPE850 paketiga esa, yuqoridagilardan tashqari, yangi drossel klapani kirdi.
Ushbu paketlar o‘rnatilganda Dodge Charger SRT Hellcat’ning dinamik tavsifi qanaqa bo‘lishi haqida ma'lumot keltirilmadi.