Ijodkor yoshlar tanlovi e'lon qilinadi

Madaniyat va sport ishlari, xalq ta'limi, oliy va o‘rta maxsus ta'lim vazirliklarining 2015 yil 30 iyuldagi qo‘shma qarori bilan “Ijodkor yoshlar respublika tanlovlarini o‘tkazish tartibi to‘g‘risida”gi nizom tasdiqlandi.

Tanlovlar bolalar musiqa va san'at maktablari hamda o‘rta maxsus, kasb-hunar ta'limi muassasalari va ixtisoslashtirilgan musiqa-badiiy maktab-internatlari o‘quvchilari o‘rtasida o‘tkaziladi.

Nizom bilan tanlovni bolalar musiqa va san'at maktablari o‘quvchilari o‘rtasida, o‘rta maxsus, kasb-hunar ta'limi muassasalari o‘quvchilari o‘rtasida o‘tkazish belgilandi.
Ko‘rsatilishicha, bolalar musiqa va san'at maktablari o‘quvchilarining musiqa fanlari bo‘yicha tanlovlari har uch yilda bir marta tuman, viloyat va respublika bosqichlarida o‘tkaziladi.
Tanlov nominatsiyalari san'atning deyarli barcha yo‘nalishlarini qamrab olgan. Birinchi 3 o‘rinni egallagan taqdirlanadi.