Namangan viloyati Mingbuloq tumani ichki ishlar bo‘limiga 20 yoshli yigit murojaat qilib, Ozodlik mahallasi hududida noma'lum shaxs uni kuch ishlatish bilan qo‘rqitib, ma'lum miqdordagi puli va “Keneksi” rusumli qo‘l telefonini ochiqdan-ochiq tortib olib voqea joyidan yashiringanini ma'lum qilgan. Bu haqda O‘zbekiston Respublikasi IIV Matbuot xizmati xabar bergan.
Tuman ichki ishlar bo‘limi xodimlari tomonidan olib borilgan tezkor tadbirlar natijasida ushbu talonchilikni mahalliy aholiga mansub 22 yoshli yigit sodir etgani to‘liq fosh etildi va u qo‘lga olindi.
Mazkur holat bo‘yicha jinoyat ishi qo‘zg‘atildi.