Chechenistonda 1 sentabrda 26ta yangi maktab ochiladi

Yangi o‘quv yilidan boshlab Chechenistonda 26ta ta'lim muassasasi, jumladan, Shimoliy Kavkazdagi yirik xususiy maktab faoliyati yo‘lga qo‘yiladi.

Shu bilan birgalikda, Grozniyda 240 o‘quvchiga mo‘ljallangan xususiy ta'lim markazi ham ishga tushadi. 13 ming kvadrat metr maydonda o‘quv binolari bilan birga, mini futbol, voleybol va basketbol maydonchalari ham o‘rin egallaydi.

Checheniston ta'lim vaziri Movldi Usmanovning ta'kidlashicha, hududdagi 450ta maktabning 311tasida darslar hamon ikki smenada olib boriladi. 56tasi esa kuniga uch marta o‘quvchilarni qabul qiladi. Bularning barchasi demografik vaziyat bilan bog‘liq bo‘lib, har yili 25-30ta maktab ochilishini taqozo etadi.