Londonning "Chelsi" jamoasi "Barselona" jamoasining 28 yoshli hujumchisi Pedro Rodrigesning transferi haqida rasman e'lon qildi. Bu haqda londonliklarning rasmiy saytida xabar berilgan.
"Barselona" jamoasi saytida yozilishicha, Pedro uchun "Chelsi" umumiy hisobda 30 mln yevro to‘laydi. Shundan 3 mln yevro bonuslar ko‘rinishida beriladi.
Qayd etish joizki, yozgi transferlar oynasi ochilganidan buyon bu futbolchiga APLning barcha grandlari qiziqish bildirishayotgandi.
19 avgust kuni "MYu" Pedro bilan shartnoma imzolash arafasida turgan edi. Lekin kunning ikkinchi yarmida Pedro "Chelsi"ga o‘tishi haqida xabarlar tarqaldi.