Facebook kompaniyasi o‘zining Messenger xabarlar xizmatida “M” deb nomlangan shaxsiy yordamchini ishga tushirdi, deya xabar berdi Wired.
“U boshqa yordamchilar bajara olmaydigan vazifalarni ham ado etadi, – dedi Facebook kompaniyasining xabarlar xizmati bo‘yicha vitse-prezidenti Devid Markus. – Vazifalarni bajarishda “M” sun'iy intellektiga real shaxslar qo‘shimcha ravishda ko‘mak berib turadi”.
Ma'lumot uchun, Siri, Google Now va Cortana messenjerlari intellektual algoritmlardan foydalanadi, Magic va TaskRabbit esa matnli savollarga javob yo‘llovchi operatorlarni yollaydi. “M” — gibrid: restoranga joy buyurtma berish yoki tug‘ilgan kunga sovg‘a tanlashda sun'iy intellekt yordamga keladi, boshqa savollarga Facebook xodimi ham javob berishi mumkin.