Singapurning Nanyan texnologiya universiteti yaqinida talabalar to‘r-to‘r piton va qirol kobrasi o‘rtasidagi jangga guvoh bo‘lishdi. Tomoshabinlar nomutanosib raqiblar o‘rtasidagi olishuvni mobil telefoni orqali tasvirga olishdi.
Muhoraba uncha uzoq davom etmadi. Kobraning xujumi raqibi tomonidan boshining bo‘g‘ib tashlanganidan so‘ng nihoyasiga yetdi. U bo‘g‘ma ilonning changalidan 30 daqiqa davomida halos bo‘la olmadi. Hattoki qo‘ng‘iroq qilib chaqirilgan maxsus hayvon tutish xizmati vakillari ham qiyinchilik bilan “jangchi”larni ajratib olishdi. Bo‘g‘ma ilonning changalidan xalos bo‘lgan kobra shu zahotiyoq qochib ketdi. Qutqaruvchilar uni qidirib topa olmay qolishdi. Bo‘g‘ma ilon esa maxsus konteynerga solinib, odamlar uchun xavfsiz hududga olib ketildi.