«Vest Xem» jamoasi "Barselona"dan yana bir marta nigeriyalik tayanch yarimhimoyachisi Aleksandr Songni ijaraga oldi.
O‘tgan mavsumda ham Song londonliklar safida ijara asosida harakat qilgan va 28 o‘yinda maydonga tushib, 3ta golli pas uzatgandi.
"Men yana Londondaligimdan xursandman. Bu qarorni ko‘p o‘ylamasdan qabul qildim. Chunki, mahalliy muxlislar va jamoa rahbariyati bilan aloqalarimiz ajoyib darajada. Men va oilam bu yerda o‘zimizni uydagidek his qilishimiz mumkin. Bolalarim "Vest Xem" akademiyasiga qatnaydi", deb o‘z fikrlarini bildiradi futbolchi.
U yangi mavsumda jamoa bilan o‘tgan yildagidan ko‘ra yaxshiroq natijalar qayd etishga umid bildirgan.