Moskvada katta Sarkozining rasmlari ko‘rgazmaga qo‘yiladi

Moskvadagi Zurab Tsereteli nomidagi san'at galereyasida Fransiyaning sobiq prezidenti Nikolya Sarkozining otasi, Rossiya badiiy san'at akademiyasi faxriy a'zosi Pal Sarkozining ko‘rgazmasi ochiladi. Bu haqda akademiya matbuot xizmati xabar berdi.

Ijodkor 1 sentabr kuni boshlanadigan ko‘rgazmaning ochilish marosimida ishtirok etishni rejalashtirmoqda. “Agar ko‘zda tutilmagan vaziyat bo‘lib qolmasa, u o‘z ko‘rgazmasining ochilishida qatnashadi”, - deyiladi xabarnomada.
Uning oxirgi ko‘rgazmasi Moskvada 2011 yili bo‘lib o‘tgan edi.
Tadbir tashkilotchilarining ta'kidlashicha, yaqinda san'atkor Art Dominos ko‘rgazmasini yaratib, unda turli millat va madaniyat vakillarining portretlarini joylashtirishni rejalashtirgan. Moskvadagi ko‘rgazmada 70ta ish taqdim etiladi, ularda Pal Sarkozining oxirgi yillardagi ijodi namunalari aks etadi.

Pal Sarkozi venger aristokratlari oilasi vakili bo‘lib, xorijiy legionda xizmat qilgan. U, shuningdek, biznesmen sifatida ma'lum. Uning besh nafar farzandidan biri, Nikolya Sarkozi, 2007-2012 yillarda Fransiya prezidenti bo‘lgan.