Rossiya hukumati yig‘ilishda Belarus hududida Rossiya aviabazasini yaratish bo‘yicha ikki davlat o‘rtasidagi kelishuvni Rossiya prezidenti Vladimir Putinga imzo qo‘yishga berishga qaror qildi, deb aytilmoqda hukumat saytida.
“Kelishuvning imzolanishi ittifoqdosh davlatning tashqi chegarasini birgalikda qo‘riqlashni tashkil etish hamda Rosiya va Belarusning havo hujumiga qarshi yagona mintaqaviy tizimini yaratishga ko‘mak beradi”, deyilmoqda xabarda.
Bundan tashqari ta'kidlanishicha, kelishuv mintaqada Rossiyaning harbiy joylashuvini uzoq muddatga mustahkamlaydi va uning xavfsizligini mustahkamlashga ko‘mak beradi.