Norvegiyalik yozuvchi va gumanist Byornsterne Byorn nomli nufuzli mukofot AQSh maxsus xizmatlarining sobiq xodim Edvard Snoudenga taqdim etildi. Taqdirlash marosimi Norvegiyaning Molde shahrida bo‘lib o‘tdi, ammo unda Snoudenning o‘zi ishtirok etmadi.
Norvegiya adliya vazirligi Snouden Rossiya orqali Norvegiyaga kelgan taqdirda uning AQShga ekstraditsiya qilinmasligiga hech qanday kafolat bera olmasligini ma'lum qildi, shu bois Snouden marosimga tashrif buyura olmadi.
Snouden videoaloqa orqali tadbir tashkilotchilariga minnatdorchilik bildirib, sud orqali Norvegiyaga borish huquqini talab qilishini va bir yildan so‘ng o‘ziga tegishli mukofotni olib ketishini aytdi.
Mukofot 2004 yilda joriy qilingan bo‘lib, adabiy va falsafiy qarashlarni yoyish, shuningdek, Byornson ruhida so‘z erkinligini himoya qilish uchun topshiriladi. Premiyaning pul mukofoti 100 ming krona yoki 12 ming dollarni tashkil qiladi.