Britaniyadagi mashhur yodgorlik –Stounxenj ostidan neolit davriga oid diniy inshoot topildi. U 4.5 m gacha bo‘lgan toshlardan tashkil topgan.
Monolitlar 90 sm chuqurlikdan radarlar yordamida topildi.
Arxeologlarning fikricha, qadimda ular aylanma shaklida bo‘lmay, to‘g‘ri chiziqni tashkil qilgan va ziyoratchilarga yo‘l ko‘rsatkich vazifasini bajargan. Bu topilma haqida The Telegraph nashri yozdi.
Topilma Stounxenj yaqinidagi va o‘sha davrga oid Darrington Uolls yodgorligi o‘rnida topildi.
“Bu Yevropadagi eng yirik megalitik inshootlardan biridir, u 4 ming yil davomida sir bo‘lib keldi. Biz bu toshlarning mineral tarkibini hozircha bilmaymiz. U teatral effekt berishga, odamlarni hayron qoldirishga qaratilgan”, - dedi loyiha rahbari Vins Gefni.