Italiyaning sobiq bosh vaziri Silvio Berluskoni Qrimga tashrif buyurdi, deya xabar berdi RIA “Novosti”.
Qayd etilishicha, italiyalik siyosatchi yarimorolga xususiy tashrif bilan kelgan bo‘lib, bu yerda Rossiya prezidenti Vladimir Putin bilan uchrashishni rejalashtirgan.
Biroz oldinroq, Peskov Putin va Berluskoni yaqinda uchrashishi mumkinligini tasdiqlagan, bu uchrashuvda siyosatchilar nafaqat ikki davlat o‘rtasidagi munosabatlarni, balki dolzarb xalqaro masalalarni ham muhokama qilishi mumkinligini aytgandi.
Eslatib o‘tamiz, Berluskoni shu yilning iyunida Rossiyaga kelgan va dam olish kunlarini Oltoyda Putin bilan o‘tkazgandi.