Rossiya tashqi ishlar vaziri Sergey Lavrov AQSh vakillaridan Rossiya kuchlari IShIDning emas, boshqa kuchlarning bazalariga aviazarbalar berganini isbotlovchi dalillar keltirishni talab qildi. Bu haqda RIA Novosti agentligi xabar bermoqda.
“Amerikaliklar sheriklarimiz tomonidan nishonlarimiz boshqa bo‘lganligi yuzasidan xavotir bor, ular bu shubhalarini bizga yetkazishdi, allaqanday dalillari borligini pesh qilishdi. Biz bu dalillarni keltirishni talab qildik, negaki nishonlarimizni aniq bilamiz, - dedi u.
– Yana bir bora aytaman, mudofaa vazirligi saytida hammasi tushuntirilgan. Oddiy fuqarolar bu zarbalardan aziyat chekkanligi haqida gaplar boshlandi, ammo bunday holatlar bizga ma'lum emas. Biz zarbalarimiz aniqligini ulkan diqqat bilan kuzatamiz, nishonlarimiz esa faqatgina terrorchi otryadlar pozitsiyalari, obektlari va qurollaridir”.
TIVning rasmiy vakili Mariya Zaxarova ham, jurnalistlarning savollariga javob berar ekan, Rossiyaning xatti-harakatlari xalqaro huquq normalariga zid kelmasligini ta'kidladi.