O‘zbekistonda ta'lim kreditlari ommalashib bormoqda, deb yozadi internet nashrlari. Ta'kidlanishicha, bunday kreditlar oliy ma'lumotli bo‘lishni istagan yoshlarga keng imkoniyatlar ochib bermoqda.
“Har yili talabalarning 30 foizi tanlov asosida bepul o‘qish imkoniyatiga ega bo‘ladi, - deydi oliy va o‘rta maxsus ta'lim vazirligi vakili Nilufar Akbarova. – Joriy yilda oliygohlarga qariyb 63 ming talaba qabul qilindi. Ulardan 19 ming nafari davlat grantlarini oldi”.
“Bunday asosda ta'lim olgan talabalar o‘qishni bitirgach, o‘z sohasida uch yil ishlab berganidan so‘ng diplomlarini oladi”, - qo‘shimcha qildi mutaxassis.
Davlat grantiga ega bo‘lmagan va o‘qish uchun pul to‘lash imkoniyati bo‘lmagan talabalarga esa ta'lim kreditlari taqdim qilib kelinmoqda.
“Ta'lim narxi sohalarga bog‘liq, ko‘proq daromad keltiradigan sohalarda o‘qish qimmatroqdir, - dedi O‘zbekiston Milliy universiteti moliyaviy bo‘limi xodimi Maksim Tsoy. – Masalan, jamiyatshunoslik yo‘nalishida tahsil olayotgan talabalar 5.8 mln so‘m, huquqshunoslik sohasi talabalari esa 9.4 mln so‘m to‘laydi”.
Muallif: Maksim Yeniseyev, Central Asia Online