Avval xabar qilinganidek, O‘zbekistonlik imomlar delegatsiyasining Rossiyaga safari davom etmoqda, deb xabar berdi Muxlis.uz portali. Oltinchi oktabr sanasida imom-xatiblar ikki guruhga bo‘linib, tadbirlarda ishtirok etishdi. Ibrohim Inomov va Jasur Raupovdan iborat imom-xatiblar guruhi Sverdlovsk viloyati Kamyshov shahar xokimiyatida “Islom terorizmga karshi” va “IShID fitnalari” mavzularida ma'ruza qilgan bo‘lsa, imom-xatiblar Odilxon Ismoilov va Baxrom Atajanov o‘rin olgan ikkinchi guruh esa Sverdlovsk viloyati, Pyshma tumanida joylashgan Ramazon masjidida masjid xodimlari va bir guruh vatandoshlarimiz bilan “Islom IShIDga qarshi”, “Millatlar va dinlararo hamdo‘stlik”, “Vatan qadri” singari dolzarb mavzularda ma'ruzalar qildi. Qizg‘in savol-javoblar bilan o‘tgan muloqot qatnashchilarda katta taassurot uyg‘otdi. Ana shunday muhim va kerakli muloqotdagi faol ishtirok uchun imom-xatiblarimizga masjid ma'muriyati alohida minatdorlik bildirdi.
