Moskva shahrida Ravon nomli yangi avtomobil brendining taqdimoti bo‘lib o‘tdi. Bu marka ostida GM Uzbekistan zavodining Daewoo Matiz, Gentra, Chevrolet Spark, Cobalt va Aveoning keyingi avlodlari modellarini sotish rejalashtirilmoqda.
Daewoo avtomobil markasi Rossiyadagina saqlanib qolgan bo‘lib, mazkur bozorda o‘z mashhurligini tezlik bilan yo‘qotib bormoqda. Sentyabr oyida 1 746 ta avtomobil sotilgan, bu esa o‘tgan yilgi ko‘rsatikichdan 26 foizga kam. Savdolarning tushishi yil boshidan beri 51 foizga yetdi.
Kasodga uchragan koreys avtomobil ishlab chiqaruvchisining egasiga aylangan General Motors bu brendan voz kechganiga ko‘p bo‘ldi. Daewooning eski modellarini ishlab chiqaruvchi Asaka zavodiga kelsak, maxsus bitimga muvofiq bu markadan foydalanishi lozim. Brendga bo‘lgan egalik huquqi 2006 yildan beri Daewoo Internationalga tegishli bo‘lib, u mashinalarni Saudiya Arabistonida ham chiqarish istagini bildirgan. Nomning o‘zgarishi ixtiyoriy ravishda sodir bo‘layotgani yo‘q, eski brendni saqlab qolishga bo‘lgan intilish esa ishlab chiqaruvchi uchun ma'nisiz: Rossiya lineykalarida Daewooning hozirgi modellaridan mikrolitrajli Matizgina saqlanib qolgan, bir muddat oldin mashhur bo‘lgan Matiz esa Rossiyaga endilikda yetkazib berilmayapti.
Asakadagi zavod General Motors qo‘shma korxonasi doirasida asosan Chevrolet avtomobillarini chiqaradi. Ichki bozorda GM Uzbekistanning eski modellari ham, yangilari ham Chevrolet markasi ostida sotilmoqda. Rossiya uchun bu variant to‘g‘ri kelmaydi, chunki Amerika kompaniyasi bir oz muddat oldin byudjyet segmentini tark etish istagini bildirgan edi.
Rossiya bozori uchun yangi brend o‘ylab topishga to‘g‘ri keldi. O‘zbek tilidagi “ravon so‘zi” “oq yo‘l” ma'nosini anglatadi. Bundan tashqari, kompaniya vakillari RAVON qisqartmasiga Reliable Active Vehicle On Road sifatida ta'rif bermoqdalar, bu esa “har qanday yo‘l sharoiti uchun ishonchli va dinamikaga ega avtomobil” deya tarjima qilinishi lozim.
Xetchbek Matiz va sedan Gentra yangi avtomobil markasining ilk modellari bo‘ladi. Taqdimotda namoyish etilgan avtomobillar ancha o‘zgargan. “Matiz” da yanga svetodiodli optika, o‘ziga xos chiroqlar, tumanga qarshi katta qurilma mavjud. Bamperlarning ichki qismi, eshiklardagi moldinglar, g‘ildirak arkalari bo‘yalmagan plastikdan ishlangan. Intererda haydovchi tomonga qarab o‘rnatilgan multimediya tizimli katta ekranli konsol o‘rnatilgan.
“O‘zavtosanoat” raisining o‘rinbosari va GM Uzbekistan ning bosh direktori Tohirjon Jalilov “Matiz”da xavfsizlik yostiqchasi, ABS va immobilayzer bo‘ladi, deya va'da berdi. “Djyentra” biroz o‘zgartirilgan svetodiodli optika va yangilangan old bamper, shuningdek yangi operatsiyalar: teri bilan qoplangan rul va ko‘p funksiyali displeyga ega bo‘ldi.
Sedan Chevrolet Aveoning keyingi avlodi Ravonning uchinchi modeliga aylanadi. U biroz vaqt oldin Rossiya va Ukraina bozorlariga ZaZ Vida sifatida yetkazib berilayotgan edi. Endilikda u yangi Nexia bo‘lib sotiladi va 1980 yillarning eskirgan sedani o‘rnini bosadi.
Aveo ga aylangan Neksiyaning ko‘rinishi ham “Djyentraga” aylangan Lacetti kabi o‘zgartirilgan: old qismining ko‘rinishi o‘sha modeldagi xetchbekdan olingan. G‘ildirak disklari va svetodiodli optikalar ham kattalashtirildi. Yangi Nexiada mahkamlashtirish tizimi, shinalarda bosim datchiklari va “avtomat” bo‘ladi. Ravon brendi ostida chiqadigan yana ikki model bu – R2, bu sobiq Chevrolet Spark va R4 avval Shevrolet Cobalt nomi bilan mashhur bo‘lgan sedandir. Ushbu mashinalarning ko‘rinishi deyarli o‘zgartirilmagan, radiator qoplamalarining yangi ko‘rinishi bundan mustasnodir. Kelajakda barcha yangi avtomobillar tezkor reaksiya qilish tizimi ERA GLONASSga ega bo‘ladi, biroq hozircha GM Uzbekistan avtomobillarni bu tizimsiz, mavjud sertifikatlarga muvofiq sotishi mumkin.
9 oktabrdan boshlab Ravon ning 20 ta yirik shaharlardagi barcha dilerlik markazlarida yangi “Matiz” va “Djyentra” modellarining savdolari boshlanadi. Yangi avtomobil brendining rasmiy saytidagi ma'lumotlarga ko‘ra, bu hali ham o‘sha o‘zgartirishlar kiritilmagan Matiz va Gentradir. Narhlar ham o‘zgarmagan. “Matiz” 314 dan 414 ming rubl, “Djyentra” esa 439-619 ming rubl qiymatida baholangan.
Ravonning ilk yangiligi yangi Nexia bo‘ladi, keyingi yil davomida Rossiya bozorlariga R2 va R4 ham chiqariladi. Tohirjon Jalilov kelajakda shahar sedani va har qanday yo‘lda yuradigan avtomobil lineykasini kiritishga va'da berdi. Gap krossover Captiva va sedan Malibu haqida ketmoqda.
Kompaniya vakillarining so‘zlariga ko‘ra, Ravon rusumidagi avtomobillar tajribalarni xush ko‘rmaydigan va tekshiruvdan o‘tgan avtomobillar kerak bo‘lgan xaridorlarga yo‘naltirilgan. Biroq xorijlik ishlab chiqaruvchi uchun (O‘zbekiston Bojxona ittifoqiga kirmagan) o‘z mahsulotlarini arzon narhlarda sotish oson bo‘lmaydi.
GM Uzbekistan Rossiyaga sotmoqchi bo‘lgan modellar Rossiyada o‘z mashhurligini yo‘qotgan. Nexia va Matiz mana uch yildirki o‘z xaridorlarini yo‘qotishda davom etmoqda, Gentra va Chevrolet Cobalt ning sotuvlari raqobatchilarnikiga qaraganda past bo‘ldi. A segmant mashhurlikni yo‘qotdi, V klassda esa so‘nggi yillarda bir necha jiddiy o‘yinchilar paydo bo‘ldi (Nissan, Almera, Renault Logan va tez orada Lada Vesta). Biroq o‘zbek avtomobil ishlab chiqaruvchisi Rossiyadagi o‘rnini bermoqchi emas va 2020 yilda Rossiya bozorining 5 fozidan kam bo‘lmagan ko‘rsatkichini egallashni rejalashtirmoqda.
GM Uzbekistan tarixi
1992 yil Koreyaning Daewoo va O‘zbekistonning “O‘zavtosanoat” tashkilotlari o‘rtasida Uz-Daewoo Auto Co. qo‘shma korxonasini qurish to‘g‘risida bitim imzolandi. 1996 yilda ishga tushirilgan zavod Nexia, Damas, Tico modellarini ishlab chiqara boshladi. 2001 yilda ularga Matiz, 2013 yilda esa Gentra qo‘shildi. 2002 yilda General Motors konserni Daewoo korporatsiyasining kasodga uchragan bo‘linmasini sotib oldi, biroq o‘zbek filiali o‘sha vaqtda uni qiziqtirmas edi. Bir necha yil o‘tgach, amerikalik ishlab chiqaruvchi baza asosida Asaka shahrida GM Uzbekistan qo‘shma korxonasiga asos solib, yangi Chevrolet modellarini ishlab chiqarish bilan shug‘ullana boshladi.