YeXHT Belarusdagi saylovlarni nodemokratik deb hisobladi

Yevropada xavfsizlik va hamkorlik tashkilotining xalqaro kuzatuvchilari Belarusda bo‘lib o‘tgan prezidentlik saylovlarini nodemokratik deb topishdi. Bu haqda Reuters agentligi xabar bermoqda.

“Belarus demokratik o‘zgarishlar sari uzun yo‘l bosishi lozimligi tamomila aniqdir. Yaqinda siyosiy tutqunlarning ozod qilinishi va saylovlarga xalqaro kuzatuvchilarning jalb qilinishi ijobiy siljishlardir.

Shunga qaramay, sezilarli progressni qayd qilmadik”, - dedi delegatsiya rahbari Kent Xatsted.
Eslatib o‘tamiz, saylovlarda amaldagi prezidenti Aleksandr Lukashenko 83.49 foiz ovoz to‘plagan.