Bugun, 18 oktabr kuni Ozarbayjon xalqi Mustaqillik bayramini nishonlamoqda.
Ozarbayjon SSR Oliy Kengashining 1991 yil 18 oktabrida o‘tgan sessiyasi tarixga muhrlandi. Aynan o‘sha kuni deputatlar bir ovozdan “Ozarbayjon Respublikasining davlat mustaqilligi to‘g‘risida”gi konstitutsion aktni qabul qildi.
O‘sha yilning 29 dekabr kuni mamlakatda umumxalq saylovi o‘tkazildi. Unda ozarbayjon xalqining asosiy qismi davlat mustaqilligini yoqlab ovoz berdi.
Shundan buyon Ozarbayjon suveren respublika sifatida xalqaro siyosat sub'yektiga aylandi.
Ozarbayjon xalqini ushbu bayram bilan muborakbod etamiz.
