Britaniyada Wi-Fi trotuar orasiga o‘rnatilmoqda

Virgin Media telekommunikatsion kompaniyasi Britaniyaniing Chesham shahrida trotuar orasiga o‘rnatiladigan Wi-Fi’dan foydalanish loyihasini amalga oshirmoqda. Bu haqda kompaniyaning blogida ma'lum qilindi.

Wi-Fi’dan bepul foydalanish imkoniyatiga Cheshamning 21 ming kishini tashkil qiluvchi butun aholisi ega bo‘lishi mumkin.

Qurilma yuklamalarga bardoshli bo‘lgan “aqlli” plitkaga o‘rnatilib, u trotuarga joylashtiriladi va optik-tolali tarmoqqa ulanadi. Hozirda Wi-Fi’dan shahar markazidagi ko‘chalar va bekatlarda hamda shahar bog‘ida foydalanish mumkin. Ma'lumotlar almashish tezligi soniyasiga 166 Mb ni tashkil qiladi. Tarmoq bilan qamrab olinish har yili 60 foizga oshib boradi, deyilmoqda kompaniya blogida.