"Atletiko" bosh murabbiyi Diyego Simeone YeChL guruh bosqichining 3-turida "Astana"ga qarshi uchrashuv oldidan fikrlarini bildirdi.
"Astana" - to‘p bilan muomala qila oladigan, raqobatbardosh, faol jamoa. Ammo biz diqqatimizni o‘zimizga qaratishimiz kerak. Biz g‘alaba qozonishimiz va yaxshi o‘yin ko‘rsatishimiz kerak. Biz har doim o‘yinlarga raqibning eng kuchli tarkibini ko‘z oldimizga keltirib tayyorlanamaiz.
"Astana" "Benfika"ga qarshi yaxshi o‘yin ko‘rsatdi, "Galatasaroy" bilan oxirigacha kurashdi. Bu jamoa meni yaxshi o‘yin ko‘rsatishga intilishi bilan hayron qoldirdi. To‘p yo‘qotishni istamaydigan va o‘yin davomida kuchayib boradigan jipslashgan jamoa. Bularning hammasida murabbiyning mehnati ko‘rinib turibdi", - deydi Simeone.
Eslatib o‘tamiz, "Astana" Madridga o‘zining ikkinchi tarkibini jo‘natgan, jamoa bosh murabbiyi bunga izoh sifatida o‘z futbolchilarini ichki chempionat o‘yinlari uchun asrashga qaror qilganini keltirgandi.