18:56 / 24.10.2015
3899

Shindzo Abe Tojikiston prezidenti bilan uchrashdi

Yaponiya bosh vaziri Shindzo Abe 24 sentabr kuni Markaziy Osiyo davlatlari bo‘ylab safari doirasida Tojikistonga yetib keldi.

Tojikiston prezidenti matbuot xizmatining xabariga ko‘ra, u shu kunning o‘zidayoq Emomali Rahmon bilan uchrashgan va o‘zaro aloqalarning do‘stona rivojlanishi masalasida muhokama o‘tkazgan.

Uchrashuv avvalida Emomali Rahmon Shindzo Abeni Yaponiya bosh vazirligiga qayta saylangani munosabati bilan qutlagan va Yaponiya Tojikiston uchun mustaqillikning ilk kunidanoq "ishonchli do‘st" bo‘lib kelayotganini ta'kidlagan.

"Biz sizning davlatingizga muhim hamkor sifatida qaraymiz va siz bilan o‘zaro hamkorlikni yanada rivojlantirishdan manfaatdormiz", deydi E.Rahmon.

O‘z navbatida, Abe Afg‘oniston bilan chegaradosh Tojikistonning Markaziy Osiyodagi muhim strategik o‘rni haqida gapirib, bu davlat Yaponiyaning tashqi siyosatida ham alohida o‘ringa egaligini ta'kidlagan.

"Yaponiya Tojikiston bilan o‘zaro aloqalarni barcha sohalarda mustahkamlashni istaydi", deydi Yaponiya bosh vaziri.

Top